Burundi : Abasitanteri b’abatutsi bariko barirukanwa ngo ntibazotekererwe

Hari makuru ava mu mugambwe uri kubutegetsi CNDDFDD amenyeshako abasitanteri bava mu bwoko bw’abatutsi batazotekererwa imiriyoni zitenga cumi (+10millions) uwuhejejeje ikiringo yemererwa n’amategeko.

Mugihe hasigaye amezi make cane ngo ikiringo c’abasitanteri gihere, ayo makuru akavugako Nestor Nijimbere yatwara komine Bururi bivugwako yategetswe gutanga imihoho kw’igenekerezo rya 31/12/2019 hamwe na Innocent Nyandwi yararongoye komine Cankuzo yakuwe n’inama mpanuzwajambo ya komine muminsi iheze hamwe na Jeanne Françoise yari arongoye komine Gashikanwa yo mu ntara ya Ngozi bivugwako yategetswe gutanga imihoho mu kw’indwi 2019 vyari mur’uwo mugambi, bikavugwako n’abandi hariko haronderwa uburyo bwose bobagiriza amakosa gurtyo birukanwe amafaranga botekerewe ikiringo cabo giheze arenga F10 000 000 ntibazoyaronswe kandiko ari n’uburyo bwo kubigizayo ngo ntibazoronswe ibindi bibanza muri kazoza bahorwa ubwoko bwabo bw’abatutsi.

Aho ni mugihe mu bizigirwa batanu batanu baheruka gutorwa ku mutumba uwariwo wose wo mu gihugu bo muri CNDDDFDD abatutsi bari imparurwa nk’uko ayo makuru abandanya abivuga. Bikavugwako n’abari batowe benshi basanga munyuma bakuwe kuri urwo rutonde rw’abazotora uwuzokwitoza mu kibanza c’umukuru w’igihugu azoserukira uwo mugambwe munama kaminuza ishobora kuba kw’igenekerezo rya 25/01/2020 babwirwako aribo bazoca baronswa ibibanza bikomakomenye mu mabanga y’igihugu.