Hirya yejo ku musi w’Imana igenekerezo rya 7 nzero 2019 haraye hafashwe urwaruka 46 ku mutumba #Rusengo muri komine n’intara ya #Muyingaruvuga ko rugiye muri Tanzaniya.
Urwo rwaruka rukaba rwari ruvuye mu ntara za #Karusi, #Ngozi abandi muri komine #Butihinda rukaba rwavugako rugiye kurondera akazi mu gihugu ca Tanzaniya. Rwaciye rujanwa mugasho kaho i Muyinga bukeye batahanwa mu miryango yabo.
Tubibutse ko atari ubwambere hafatwa urwaruka ruvugako rugiye kurondera akazi mu gihugu kibanyi ca Tanzaniya, nko mu kwezi kw’umunani 2017 hari urushika 57 rwafashwe nk’uko rujabutse #Ruvubu, muri Karusi ruvugako rugiye Tanzaniya aho harimwo 24 rwo mw’ikambi y’abateshejwe izabo yo mu #Ruhororo ruca rujanwa mu gasho k’igipolisi i Ngozi.
