Kuri uno wa kane igenekerezo rya 27 nzero 2022, Léonidas Gahungu wo kumusozi Mugendo Ruko, zone Nyagasasa komine Mugamba intara ya Bururi mu Burundi yaciriwe amande y’ibihumbi ijana na mirongo itatu na bitanu (135000 FBu) kubera yaragiye inka kumusozi mw’itongo ritazitiye mugihe uwonesherejwe umurima w’ibiraya ataco araronswa.
Nk’uko amakuru ashikira ikinyamakuru Itara Burundi abivuga, Léonidas Gahungu yaciriwe amande n’umunyamabanga ntayegayezwa wa komine Mugamba inyuma yo gutumwako n’umukuru w’umutumba amenyeshejweko uwo Léonidas yanse kwumvikana n’uwo yoneshereje ibiraya yitwa Claver Niyongabo.
Mugihe amande yarishwe ubwo nyene reta ikarara yinjije amafaranga mu kigenga ca komine, nyene kwonesherezwa ibiti vy’ibiraya 62 yabwiweko azorindira ivyigwa vy’umugoronome bizokwerekana ibiro vy’ibiraya vyovuyemwo abone kurihwa na Léonidas Gahungu yonesheje.
Ivyo vyabaye muvyumva gute?
