#ItaraBurundi #Ubudandaji
Mugihe amashure matomato n’ayisumbuye azotangura mu kwezi kuza, ihinguriro ry’amakaye PACOBU ryashinze ibiciro mu gihugu cose aho hari itandukaniro ry’amafaranga 50 kubicoro vyo mu gisagara ca Bujumbura n’ibindi bice vyo mugihugu, ntacahindutse uravye ibicoro vyahahora nubwo igiciro co kurangura cagabanutseko amafaranga 3000 kubo hagati mu gihugu kandi ikarato y’amakaye y’impapuro ijana inganya amafaranga n’iy’impapuro 36 mukurangura.
Mu gisagara ca Bujumbura amakaye agiye kugurwa uku gukurikira:
–>Ikaye y’impapuro 100 igurwa 1200FBu
–>Ikaye y’impapuro 60 igurwa 750FBu
–>Ikaye y’impapuro 48 igurwa 650FBu
–>Ikaye y’impapuro 36 igurwa 550FBu
Kurangura ikarato y’amakaye ubwoko ubwaribwo bwose irangurwa 145000FBu mugihe kumwaka uheze yarangurwa ayo nyene
Muntara zindi zose amakaye agiye kugurwa uku gukurikira:
–>Ikaye y’impapuro 100 igurwa 1250FBu
–>Ikaye y’impapuro 60 igurwa 800FBu
–>Ikaye y’impapuro 48 igurwa 700FBu
–>Ikaye y’impapuro 36 igurwa 600FBu
Kurangura ikarato y’amakaye ubwoko ubwaribwo bwose irangurwa 145000FBu mugihe kumwaka uheze yarangurwa 150000FBu
Ishirahamwe PACOBU ryasohoye ivyo biciro risaba abajejwe intwaro n’umutekano gukurikirana ko atabadandaza bokwikika mu kiza bagafatira amaboko imugongo abanyagihigu baduza ibiciro . Ico ikinyamakuru Itara Burundi kitashoboye kumenya n’uko uwuzoramuka afashwe adugije ibiciro azotangishwa amande y’umuriyoni (1 000 000Fbu) nk’uko bimaze imisi bikorwa kubafashwe badugije ibiciro vy’isukari, isima n’ibinyobwa vya BRARUDI.
